Watermelon Seeds: పుచ్చకాయ గింజలు తింటే ప్రమాదమా? పొట్టలో మొక్కలు మొలుస్తాయా?

Watermelon Seeds: పుచ్చకాయ ఎర్రగా కనిపిస్తూ నోరు ఊరిస్తుంది. తీరా తిందామంటే నల్లటి గింజలు అడ్డుపడుతూ ఉంటాయి. వాటిని పక్కకు తీసేస్తూ తినడం పెద్ద సాహసమే. కొంతమంది ఆ గింజలను కూడా తినేస్తూ ఉంటారు. కొంతమంది అలా తింటే ప్రమాదం అని గింజలను పారేస్తూ ఉంటారు. పుచ్చకాయల్లో 25 రకాలున్నాయి. అన్నింట్లోనూ గింజలు ఉంటాయి. ఆ గింజలు మన ఆరోగ్యాన్ని పెంచుతాయని చాలా మందికి తెలియదు.

పుచ్చకాయ గింజలు నోట్లోంచీ పొట్టలోకి వెళ్తే... లోపల మొక్కలు మొలుస్తాయేమో అని కొంత మంది అనుకుంటారు. అలా జరగదని డాక్టర్లు తెలిపారు. పుచ్చకాయ గింజలతో చాలా ఆరోగ్య ప్రయోజనాలు ఉన్నాయి. అవేంటో మనం తెలుసుకుందాం. దాని కంటే ముందు... ఆ గింజలు ఎలా తినాలో తెలుసుకుందాం.

ముందుగా గింజల్ని పక్కకు తీసి... ఎండబెట్టాలి. తర్వాతా వాటిని చిన్న మంటపై వేపాలి. తర్వాత గాలి ఆడని కంటైనర్‌లో (సీసాలో) వేసి మూతపెట్టాలి. మీకు ఎప్పుడైనా స్నాక్స్ తినాలి అనిపిస్తే... వాటిని తినవచ్చు. లేదా సలాడ్లలో చల్లుకోవచ్చు. లేదా పొడిలా చేసుకొని... కూరల్లో వాడుకోవచ్చు. ఎలాగైనా పారేయకుండా వాడేసుకోవడం మేలు. ఎందుకో తెలుసుకుందాం.

Provides essential nutrients: పుచ్చకాయ గింజల్లో గ్లోబులిన్, అల్బుమిన్ అనే ప్రోటీన్స్ ఉంటాయి. ఇవి వ్యాధినిరోధక శక్తిని పెంచుతాయి. వ్యాధులు రాకుండా చేస్తాయి. రక్తంలో ద్రవాలు సరిగా ఉండేలా చేస్తాయి. ఈ గింజల్లో మెగ్నీషియం, ఐరన్, జింక్ ఉంటాయి. అలాగే విటమిన్ సీ, బీ కాంప్లెక్స్, అమైనా యాసిడ్స్ ఉంటాయి. ఇవి మనకు చాలా అవసరం.

Protects the heart: పుచ్చకాయ గింజలకు చెడు కొలెస్ట్రాల్ అంటే అస్సలు నచ్చదు. పొట్టలోకి వెళ్లగానే... ఎక్కడెక్కడ చెడు కొవ్వు ఉంటుందో... అక్కడికి వెళ్లి... దాన్ని పోయేదాకా వదలవు. ఫలితంగా గుండెకు ఎంతో మేలు జరుగుతుంది. (image credit - AFP)

Lowers blood pressure: కొంత మందికి హైబీపీ ఉంటుంది. కొంచెం కోపం వచ్చినా... ఇక అది త్వరగా తగ్గదు. అలాంటి వారు పుచ్చకాయ గింజలు తినాలి. ఎంతో ఆరోగ్యం. (image credit - AFP)

Controls diabetes: కొంత మందికి డయాబెటిస్ వల్ల... బ్లడ్ షుగర్ లెవెల్స్ విపరీతంగా పెరుగుతుంటాయి. అలాంటి వారు ఈ గింజలు తింటే... వీటిలో మెగ్నీషియం వల్ల ఇన్సులిన్ సరిగా ఉండి... అంతా సర్దుకుంటుంది. (image credit - shutterstock)

Heals wounds: పుచ్చకాయ గింజల్లో L-ఆర్గినిన్ (arginine) అనే అమైనా యాసిడ్ ఉంది. ఇది నైట్రిక్ యాసిడ్ లెవెల్స్ పెరిగేలా చేస్తుంది. ఫలితంగా త్వరగా గాయాలు తగ్గుతాయి.

Maintains skin and hair: పుచ్చకాయ గింజలు... విష వ్యర్థాలు చర్మం, జుట్టులోకి రాకుండా ఆపుతాయి. ముసలితనం త్వరగా రాకుండా చేస్తాయి. వీటిలోని మెగ్నీషియం, జింక్... జుట్టును బలంగా చేస్తాయి.